Lost Cities

Хоёр хүний хооронд тоглодог, дүрэм нь маш энгийн мөртлөө шийдвэр бүр нь эрсдэл дагуулдаг картан тоглоом.

Тоглогчид далай, цөл, ширэнгэн ой, уулс зэрэг алдагдсан хотуудыг хайх экспедиц эхлүүлнэ. Картуудаа тухайн өнгөөр нь багаас их рүү дараалуулан тавих ёстой учраас нэгэнт тавьсан картаа буцааж засах боломжгүй.

Гэхдээ экспедиц эхлүүлсэн төдийд оноо авахгүй. Экспедиц бүр эхэндээ –20 онооны зардалтай. Хангалттай олон карт цуглуулж чадахгүй бол судалгаанд гарсан мөнгө тань шууд алдагдал болно.

Энд өрсөлдөгчөө шууд хаадаг карт, дайралт гэж байхгүй. Гэхдээ ямар карт хаяж байгааг нь ажиглах, хэрэгтэй картыг нь өгөхгүй байх, өөрийн төлөвлөгөөг хэт эрт ил гаргахгүй байх нь тоглоомын гол сэтгэлзүй.